Shtëpia më e famshme e Kosovës ka hyrë në fazën e saj të fundit, duke zbuluar të gjithë finalistët që do të luftojnë për çmimin e madh. Pas një nate dramatike në gjysmëfinale, pesë banorë kanë siguruar vendin e tyre në finale, ndërsa tre të tjerë janë larguar nga gara, shkruan 04 Online.
Driloni, që kishte siguruar finalen javën e kaluar, është tashmë një hap përpara drejt suksesit. Në natën gjysmëfinale, emocionet u ngritën në kulm kur publiku vendosi që edhe Xheneta, Vullneti dhe Sara të bashkohen me të në finale, duke formuar një pesëshe të fortë dhe plot energji.
Nata filloi me eliminimin e Gresës dhe Leos, të cilët u përshëndetën me shtëpinë dhe ëndrrën e Big Brother VIP. Tensioni u rrit më tej kur mbetën Drenusha dhe Xuxi, dy banorë që kishin fituar simpatinë e publikut gjatë javëve të garës., por që Xuxi u shpall finalist e Drenusha u eliminuar
Me pesë finalistë në lojë, gara për çmimin e madh tani është më e hapur dhe më emocionuese se kurrë. Çdo finalist ka treguar histori unike dhe ka fituar mbështetës të shumtë gjatë qëndrimit në shtëpi. Kush do të triumfojë në natën finale dhe të rrëmbejë titullin e fituesit të Big Brother VIP Kosova? Publiku ka fjalën e fundit./04 Online
