Nata e Vitit të Ri është një prej atyre festave ku të gjithë mblidhen bashkë në familje dhe festojnë deri vonë pas mesnate. Por jo gjithmonë ka qenë kështu. Në vitin 1999 një festë e vogël në kushte të jashtëzakonshme po zhvillohej mes ushtarëve të Ushtrisë Çlirimtare të Kosovës.
Pa drita, pa bredh, pa muzikë, pa ushqime e luks e festuan vitin e ri edhe ushtarët e lirisë në vitin 1999, pak muaj para çlirimit të vendit.
Në një odë të vogël me një çaj të zi e duhan para vetes, ish-komandantët dhe ushtarët e UÇK-së e pritën vitin e fundit të robërisë.
Në këtë kremte të vogël në disa fotografi nga ai vit shihen ish-komandantët e UÇK-së, Rexhep Selimi e Fatmir Limaj. Me ta është edhe zëdhënësi i UÇK-së, Jakup Krasniqi, Adem Grabovci e gazetari Nuhi Bytyqi.
