Kandidati i Lëvizjes Vetëvendosje, Karanfil Haxhillari, me numrin 2 në listën zgjedhore, rikandidon për mandatin e tretë si kuvendar, shkruan 04 Online.
Haxhillari ka theksuar se dy mandatet e kaluara i ka shërbyer me transparencë, përgjegjësi dhe përkushtim ndaj qytetarëve, ndërsa premton vazhdim të angazhimit në turizëm, arsim, shëndetësi, infrastrukturë dhe mirëqenie sociale.
Postimi i plotë i Karanfil Haxhillarit
Të dashur qytetarë të Prizrenit,
Me numrin 2 në listën fituese nga Lëvizjes Vetëvendosje!, kam vendosur të garoj për mandatin e tretë si Kuvendarë në Kuvendin Komunal të Prizrenit.
Përvoja ime në dy mandatet e kaluara ka qenë e udhëhequr nga përgjegjësia, transparenca dhe përkushtimi për të përfaqësuar me dinjitet zërin tuaj – zërin e qytetarit të zakonshëm që kërkon drejtësi, zhvillim dhe barazi.
Me mbështetjen tuaj, synoj të vazhdoj të jem zëri i kërkesave tuaja dhe të shtyj përpara politikat që sjellin përmirësime reale në turizëm, arsim, shëndetësi, infrastrukturë dhe mirëqenie sociale.
105 Lëvizja Vetëvendosje! me kryetar Artan Abrashi është zgjidhja.
Më 12 tetor, voto numrin 2 në listën e Vetëvendosjes!
