Të dhënat nga faqja zyrtare e prodhuesit tregojnë se rrezja efektive arrin deri në 4 kilometra, që e vendos OMTAS në kategorinë e sistemeve kundërtank me rreze të mesme.
Gjatësia e raketës, sipas të dhënave, është 1.8 metra, ndërsa diametri 160 mm. Pesha totale (raketë + tub lëshimi): 35 kilogramë.
Tutje, të dhënat për këtë armatim tregojnë se ai mund të përdoret ditën, por edhe natën, pasi posedon IIR (Imaging Infra-Red Seeker).
OMTAS është i favorshëm të operojë edhe në kushte të pafavorshme atmosferike, që e bën një armë të dobishme në beteja.
Me këtë lloj sistemi, targeti që mund të synohet janë tanket dhe mjetet e lehta të blinduara.
“Raketa mund të përdoret në modalitetet ‘qëllo dhe harro’ ose ‘qëllo dhe përditëso’, dhe ofron aftësi kyçjeje para lëshimit ose kyçjeje pas lëshimit. Me aftësinë e saj të udhëzimit preciz dhe kokën e saj luftarake tandem që depërton në blindim, OMTAS siguron sulme efektive kundër kërcënimeve të blinduara” – thuhet në shpjegimet e prodhuesit për sistemin raketor anti-tank OMTAS.
