Për njerëzit që kanë syze optike, mbajtja e maskës është e sikletshme për shkak se xhamat vishen gjatë frymënxjerrjes. Sprucuesit të cilët mund t’i blini nëpër optika ju vijnë në ndihmë, por nëse jeni duke kërkuar për ndonjë truk me pak lekë, zgjidhja e këtij doktori në Twitter është e duhura.
Dr. Daniel M.Heiferman shparndau një foto të vetën në Twitter, ku duket teksa në pjesën e sipërme të maskës, në zonën e hundës, ka vendosur një leukoplast. Postimi ka marrë deri në këto momente më shumë se 172,000 pëlqime dhe afro 74,000 ripostime. Ndër të tjera, është përmendur në artikuj të Health, Cosmopolitan apo në DudeDad Vlog.
Duhet thënë se truku nuk duket estetikisht fort bukur, por sidoqoftë ia vlen. Nëse nuk ju gjendet leukoplast ose sprucues kundër veshjes së xhamave, provoni t’i vendosni syzet sipër maskës.
