Sulmuesi i Kombëtares shqiptare, Mirlind Daku, nuk është përfshirë në listën e trajnerit Sylvinho për ndeshjet ndaj Anglisë dhe Andorës, shkruan 04 Online.
Largimi i tij lidhet me një lëndim të vazhdueshëm, për të cilin pritet t’i nënshtrohet një operacioni.
“Kohëve të fundit qysh prej ndeshjeve me kombëtaren jam duke u ballafaquar me një lëndim. Siç duket, edhe pak ndeshje do t’i nënshtrohem një operacioni. Jam duke e shty me çyk të zorit përmes ineksioneve”, tha Daku në një intervistë për “Sport Show” të Klan Kosovës me Arlind Sadikun./04 Online
