Ndiqni rregullat e mëposhtme për vetulla të bukura:
1.Mirëmbani vetullat pa ndihmën e produkteve
Shmangni përdorimin e kremave, pomadave apo hidratuesve rreth zonës së vetullave. Këto depërtojnë deri në vetulla dhe shkaktojnë që qimet të bien si dhe parandalojnë rritjen e qimeve. Ne priremi të trajtojmë vetullat ashtu sikur lëkurën, ata në fakt janë folikule të flokëve, dhe në qoftë se nuk vëmë diçka sipër kokës sonë, pse duhet të vendosim tek vetullat tona?
2.Përdorni pasqyrën e duhur
Shmangni pasqyrat zmadhuese. Kjo ndikon në humbjen e perspektivës dhe heqjen e madhe të vetullave pa nevojë.
3.Mos i shkurtoni shumë vetullat me gërshërë
Asesi mos e teproni me shkurtimin e vetullave. Një hark i pabarabartë dhe i prerë shumë, nuk është fare estetik dhe i bukur. Në fakt, shumica e femrave kanë nevojë për shkurtim të tyre, por që të shkurtoni në mënyrë korrekte, mundohuni të shkurtoni apo preni vetëm ato qime që dalin jashtë formës së vetullave.
4.Sigurohuni që vetullat të fillojnë në këndin e duhur
Vetullat duhet të lidhen me urën e sipërme të hundës. Ndarja e vetullave shumë larg njëra tjetrës i bën tiparet e fytyrës të duken më të gjera.
5.Mos e teproni me mbushjen e tepërt të vetullave
Ju gjithashtu nuk do dëshironit të tejmbushnit vetullat tuaja. Gjithkush i dëshiron ato të plota dhe të guximshme – por disa njerëz e teprojnë me lyerjen me laps. Ju sugjerojmë të shkoni një nuancë më të errët se ngjyra e vetullave tuaja dhe mos e ekzagjeroni formën e vetullave.
6.Heqja me pincetë është zgjidhja më e mirë
Me plotë fjalë, mos përdorni dyllin si depilim apo metodën me fije. Heqja me pincetë është metoda më e saktë për shkak se ju tërhiqni vetëm një fije qime në një kohë. Secila qime bën dallim në vetulla, andaj duhet me shumë kujdes të hiqni ato për mos të prishur formën origjinale. Me anë të metodës me dyll, mungon saktësia dhe preciziteti si dhe e zgjat lëkurën delikate. Ndërsa metoda me fije tërheq ato në çdo drejtim, gjë që shkakton thyerjen e qimeve si dhe rritjen nën lëkurë.
7.Investoni në një laps të mirë për vetulla
Preferojmë laps për vetulla që ka mjaftueshëm dyll për të mbajtur qimet në vend – pa nevojën e përdorimit të xheleve të ndryshme. Një laps i mirë për vetulla duhet të jape iluzionin e qimeve natyrale – jo të duket si tatuazh artificial. Për atë janë dizajnuar edhe tri lloje të ngjyrave për vetulla që me kujdes t’i përshtaten ngjyrës së qimeve.
