Izraeli ka nisur sulme ndaj “objekteve bërthamore dhe ushtarake” të Iranit, me mediat iraniane që raportojnë shpërthime në kryeqytetin Teheran.
“Shpërthime të forta u dëgjuan në vende të ndryshme në kryeqytetin Teheran”, raportoi televizioni shtetëror të premten herët, pa dhënë detaje.
Ministri izraelit i Mbrojtjes, Israel Katz, shpalli një “situatë të veçantë” në Izrael, duke thënë se shkollat në vend do të mbyllen të premten. Ai i përshkroi sulmet si sulme “parandaluese” ndaj Teheranit.
“Pas sulmit paraprak të Izraelit ndaj Iranit, një sulm me raketa dhe dronë ndaj Shtetit të Izraelit dhe popullsisë së tij civile pritet në të ardhmen e afërt”, tha Ministria izraelite e Mbrojtjes në një deklaratë.
