Karateisti kosovar Islam Selmani ka përfunduar i dyti në Kampionatin Botëror “Kajro 2025”, duke fituar medaljen e argjendtë në kategorinë e tij dhe duke shkruar një kapitull historik për sportin kosovar.
Selmani u përball në finalen e madhe me garuesin turk Eray Samdan, një duel i fortë ku përvojat bënë diferencën.
Megjithatë, karateisti ynë tregoi nivel të jashtëzakonshëm përgjatë gjithë kampionatit dhe u shpall nënkampion bote – suksesi më i madh ndonjëherë për Kosovën në karate, shkruan Gazeta Express.
Derisa Kosova deri më tani kishte vetëm dy medalje të bronzta botërore, arritja e Selmanit shënon medaljen e parë të argjendit në historinë e këtij sporti në vend.
