Dëshmia e njërit prej ushtarëve rusë të zënë rob nga autoritetet ukrainase është bërë virale për shkak të përmbajtjes së saj.
Ushtari, i cili u dorëzua vullnetarisht, tha se Putin priste të pushtonte Ukrainën për tre ditë.
Ishte Shërbimi i Sigurisë (SBU) që publikoi pamjet e dëshmisë të regjistruara në një video.
“Na u tha se do të marshonim përgjatë rrugës. Ne morëm ujë dhe ushqim për tre ditë. Ne duhej të ktheheshim në kamp brenda tre ditësh”, tha ai.
SHIKO VIDEON:
https://video.gjirafa.com/275183351-435091665074540-2758945539852295516-n-mp4-2
Sipas tij, nga ushtria janë marrë telefona dhe dokumente. Nuk kishte asnjë kontakt me familjen. I burgosuri vuri në dukje se një luftë po ndodh në Ukrainë, civilët po vdesin.
Ushtari tha se në ditën e dytë të luftës i është prishur mjeti luftarak. Kolona e ushtrisë ruse kaloi dhe nuk pranoi të ndihmojë. Rusët fillimisht u fshehën, dhe më pas iu dorëzuan mbrojtjes territoriale.
Ukrainasit u dhanë të burgosurve ndihmën e parë dhe ushqim. Ai u bëri thirrje rusëve që të ndalojnë luftën, të protestojnë dhe të mos besojnë propagandën ruse. Ai i këshilloi vëllezërit e tij të dorëzoheshin.
