Deputeti i LDK-së, Avdullah Hoti, ka thënë se në zgjedhjet e ardhshme të Kosovës kurdo që të mbahen ai është i bindur se Albin Kurti nuk do jetë më kryeministër.
”Për bindjen time të plotë nuk është logjike se si të ndodhë kjo”, ka deklaruar Hoti.
Ai tha se është i bindur se zgjedhjet e ardhshme do të sjellin ndryshime.
Teksa ka folur për marrëdhëniet me Shtetet e Bashkuara të Amerikës, ka thënë se nuk ka asnjë “marrëdhënie institucionale me SHBA-të sot”. ”S’ka marrëdhënie institucionale. Në baza javore unë jam konsultuar me amerikanët për plot çështje. Sot nuk ekziston një bashkëpunim i tillë”, tha Hoti, për RTV21.
Hoti ka thënë procesi i dialogut me Serbinë është i fokusuar në njohje reciproke në asgjë tjetër.
”Këta që janë në Qeveri po harrojnë një gjë se Kosova gjithmonë historikisht nuk e ka arrit asnjë marrëveshje me Serbinë, por me bashkësinë ndërkombëtare”, tha Hoti.
Hoti ka thënë se Qeveria Kurti po sillet me 10 fytyra.
”Nuk mund të sillen këta me 10 fytyra. Ndryshe ju flet opozitës në Kuvend, ndryshe të dielave në takim me partinë e vet, ndryshe ju flet qytetarëve, ndryshe kur shkon në Londër me gazetarë”, tha Hoti.
Ai tha se sovranitet i vendit është që pjesa veriore të qeveriset nga institucionet e Kosovës.
”Sot është fatkeqësi për ata politikanë që mendojnë se në pjesën veriore të Kosovës të qeveriset pa pjesëmarrjen e komunitetit serb”, tha Hoti.
Ish-kryeministri Hoti ka thënë se koha e ka dëshmuar se Kurti e ka humbur besimin e qytetarëve si pasojë e mashtrimeve të tij.
‘’Nuk ka logjikë që ky person me gjithë këto mashtrime të marrë besimin e qytetarëve përsëri, koha i ka dëshmu këta njerëz qe në shumicën e punëve kanë dështu’’, ka thënë Hoti.
