Fishekzjarrët në ditët e sotme përdoren për të shënuar ardhjen e një viti të ri ose shënimin e një feste, por kjo s’ka qenë gjithmonë kulturë e tillë.
Kultura e lashtë kineze i njeh fishekzjarrët si mjete për të përzënë djallin apo magjinë e zezë nga njerëzit, me qëllim që ata të jetojnë me mbarësi. Sipas historive kineze, fishekzjarrët ndizeshin në ajër kur ora shënonte 00:00, me qëllim që viti i ri të niste pa shpirtra të ligj.
Ndezësi i tyre konsiderohej person me fat.
Pasi krijojnë zhurmë dhe ndriçim, fishekzjarrët përdoreshin që shpirtrat e këqij të frikësoheshin dhe të largoheshin nga ambienti njerëzor. Në kultura të tjera si ajo indiane, thuhet se fishekzjarrët ndiznin energjinë pozitive dhe e mposhtnin atë negative.
Edhe shpresa për një vit të mbarë niste me ndezjen e fishekzjarrëve.
