Lideri i Aleancës për Ardhmërinë e Kosovës, Ramush Haradinaj, ka uruar besimtarët e fesë islame me rastin e festës së Fitër Bajramit, raporton GS.
Përmes një postimi në rrjetin social Facebook, Haradinaj tha se kjo është një ditë që përkujton rëndësinë e mirësisë, faljes dhe solidaritetit.
Ai theksoi se po ashtu “na përkujton se sa e rëndësishme është t’i mbajmë zemrat e pastërta dhe t’i hapim krahët atyre që kanë nevojë”.
“Uroj që ky mesazh të përcillet gjeneratë pas gjenerate, duke ndarë të mirën dhe duke dëshmuar humanizmin, si vlerë e jona e patjetërsueshme.Me mesazhet që përçon kjo festë, uroj Bashkësinë Islame të Kosovës, myftiun Naim Tërnava dhe të gjithë shqiptarët myslimanë, kudo që jetojnë ata. Me fat Fitër Bajrami!”, shkroi ai.
