Kryetari i Aleancës për Ardhmërinë e Kosovës (AAK), Ramush Haradinaj, gjatë vizitës në Shtetet e Bashkuara të Amerikës e ka takuar kongresmenin Ritchie Torres.
{ërmes një postimi në Facebook, ai e falenderuar kongresistin Torres për përkrahjen e tij për Kosovën.
“Në kuadër të vizitës në Shtetet e Bashkuara të Amerikës, pata nderin e veçantë të takohem me mikun e madh të shqiptarëve, kongresmenin z. Ritchie Torres, të cilit i shpreha falënderimet e mia për përkrahjen e tij dhe mbështetjen e pazëvendësueshme që ai personalisht dhe ShBA-të po i japin Kosovës”, shkroi Haradinaj.
Haradinaj shtoi se është me rëndësi të veçantë forcimi i marrëdhënieve bilaterale Kosovë-Amerikë.
“Kongresistin, z. Ritchie Torres e njoftova për zhvillimet ne Kosovë dhe njëherit kërkova që në Kongresin Amerikan të shtrohet tema e anëtarësimit të shpejtë të Kosovës në NATO. Po ashtu, theksova se është me rëndësi të veçantë forcimi i marrëdhënieve bilaterale Kosovë-Amerikë. Partneriteti strategjik me ShBA-të është garancë për arritjen e çdo suksesi të Kosovës. Do të punojmë pandalur që të zhvillohet e forcohet çdo ditë”, shkruan Haradinaj.https://www.facebook.com/plugins/post.php?href=https%3A%2F%2Fwww.facebook.com%2FRamushHaradinajOfficial%2Fposts%2Fpfbid0Rtf7aG5bjF5y4PTGseyAmste5Jvx8Zqt5WoMNoEzez9SWB7SXkLQs8fM4r4YS568l&show_text=true&width=500
