Sulmuesi i Kosovës, Fisnik Asllani, ka vazhduar me paraqitje të mira në kategorinë e dytë të futbollit gjerman.
Asllani shënoi një gol dhe bëri një asistim të dielën në fitoren e Elversbergut 3:1 ndaj Hannoverit.
Ndeshja u luajt të dielën dhe i takoi xhiros së 12-të.
Asllani e shënoi golin e dytë të Elversbergut në minutën e pestë shtesë të pjesës së pare, teksa asistimin e bëri te goli i parë.
Ai luajti deri në minutën e 85-të dhe ishte më i vlerësuari tek Elversbergu.
Për Asllanin ky ishte goli i shtatë në 13 ndeshje të luajtura këtë edicion në të gjitha garat, derisa ka kontribuar edhe me tri asistime.
Së fundi, Asllani është ftuar nga Kosova për ndeshjet e këtij muaji në Ligën e Kombeve./Express
