Gjesti mbetet një nga banorët më të përfolur të “Big Brother VIP Albania”, duke tërhequr vëmendje për mënyrën se si po i menaxhon situatat në shtëpi, shkruan 04 Online.
Megjithatë, hyrja e tij nuk është pritur mirë nga disa prej banorëve, përfshirë Jozin dhe G-Banin, të cilët në një moment konkret u panë duke i kufizuar qëllimisht hapësirën, duke mos e lejuar të kalojë.
Përkundër faktit se ky veprim u konsiderua si një gjest provokues nga publiku, produksioni nuk ka ndërmarrë masa ndëshkuese, duke lënë situatën të kalojë pa vendime konkrete. Ky qëndrim ka shkaktuar reagime të forta në rrjetet sociale, ku shumë ndjekës kërkojnë ndërhyrjen e “Vëllait të Madh” me një Zarf të Zi, duke e parë këtë si një situatë që sfidon rregullat bazë të respektit mes banorëve.
Gjesti, nga ana tjetër, ka qëndruar i qetë dhe ka menaxhuar me maturi tensionet, duke shmangur përplasjet e ashpra. Ky reagim i tij ka fituar miratimin e shumë fansave, të cilët e vlerësojnë si një njeri të fortë dhe të ekuilibruar, duke e shndërruar në një nga banorët më të mbështetur të këtij sezoni./04 Online
