Tërmeti në kufirin mes Turqisë dhe Sirisë ka lënë pas të vdekur edhe çiftin e volejbollistëve Çakır në Turqi. 27- vjeçarja Betül Çoban Çakır dhe bashkëshorti i saj volejbollist Bedrettin Çakır në Kahramanmaraş mësohet se kanë humbur jetën nën rrënojat që la tërmeti me magnitudë 7.8 që goditi Turqinë jugore të hënën ishte tërmeti më i fuqishëm i qarkut në më shumë se 80 vjet.
Turqia ka numrin më të lartë të viktimave, me 2,921 të vdekur dhe 15,834 të plagosur. Ndërkohë, në Siri raportohet për 1,444 viktima dhe mbi 3 mijë të plagosur.Si pasojë e motit të ftohtë, puna e shpëtimtarëve bëhet edhe më e vështirë, ndërsa punonjësit e shpëtimit vazhdojnë të kërkojnë për të mbijetuar, mijëra të tjerë kërkojnë strehim pasi shtëpitë e tyre u shkatërruan ose u dëmtuan shumë keq për të qenë të sigurt.
Burra, gra, pleq dhe madje edhe fëmijë të vegjël kërkojnë një vend ku të ngrohen nga i ftohti. E gjithë bota është solidarizuar me këto dy vende dhe kanë dërguar ekipe të kërkim-shpëtimit si edhe ndihma humanitare.
