Trajneri francez, Rudi Garcia, ishte i ftuar të dielën nga Lille për festimin e 80-vjetorit të klubit. Garcia ishte trajner i Lillet nga viti 2008 deri në vitin 2013.
Garcia foli për formën që është duke e kaluar Lille këtë edicion në Ligue 1 por pati fjalë edhe për sulmuesin e Kosovës, Edon Zhegrovën.
Ai tha se Zhegrova është lojtar i këndshëm për t’u parë.
“Edon Zhegrova është lojtar i këndshëm për t’u parë. Ai është një driblues dhe duket si disa lojtarë që kemi pasur në kohën tonë. Lille ka ekip të kompletuar, shumë të rinj gjithashtu, që punojnë shumë mirë. Ky është një ekip i ndërtuar mirë që për mendimin tim do të bëjë gjëra të mëdha këtë sezon”, ka thënë Garcia, shkruan të martën “One Football”.
Zhegrova është futbollisti më në formë te Lille.
