I sapo-anëtarësuari në Lidhjen Demokratike të Kosovës, gazetari i njohur Festim Kabashi, ka postuar disa fotografi të bëra në Prizren së bashku me kryetarin e LDK-së, Lumir Abdixhikun, Anton Çunin, kryetarin e Degës Driton Selmanajn dhe të tjerë.
“Energjia dhe entuziazmi i Prizrenit, vendlindjes time dhe kryeqendrës së historisë sonë, janë gjithmonë thirrje për ndryshim, para së gjithash për mbrojtje të demokracisë.
I lumtur të jem pjesë e ekipit që e do Kosovën pa interes, pa qëllim sundimi, por me motiv për t’i shërbyer Republikës me përulësi, ashtu siç e trasuan rrugën rilindasit dhe patriotët më të mëdhenj. Faleminderit Prizren.”, ka shkruar Kabashi, i cili në zgjedhjet që do të mbahen më 28 dhjetor do të jetë pjesë e listës për deputet nga radhët e LDK-së.
