Emisari i Shteteve të Bashkuara në bisedimet Kosovë -Serbi, Gabriel Escobar ka thënë se në Veri duhen zgjedhje të reja me pjesëmarrje të pakushtëzuar të serbëve.
Këto komente Escobar i bëri për mediumin kroat ‘HRT’, ku ndër të tjerash tha se në rast se nuk përmbushen kërkesat, atëherë mund të ketë një krizë edhe më të madhe.
“Josep Borrell dhe Miroslav Lajčák paraqitën tre hapa të thjeshtë. Hapi i parë është largimi i njerëzve nga rrugët. Kryetarët e komunave nuk duhet të zgjidhen me qëllim të largimit të vëmendjes.
Na duhen zgjedhje të reja me pjesëmarrje të pakushtëzuar të serbëve. Ne kemi nevojë edhe për një afat kohor për zbatimin serb të pjesës së saj dhe një draft statut të komuniteteve të komunave serbe në Kosovë. Bëhet fjalë për barazi, barazi dhe përfitime për të dyja palët”, theksoi ai.
I pyetur nëse ka ndonjë zgjidhje në horizont pasi situata është përkeqësuar në Veri, Escobar tha:
“Nëse këto dy palë nuk e pranojnë planin për qetësimin e konfliktit nga BE-ja, mund të ketë një krizë edhe më të madhe. Duhet të jem shumë i qartë, ky nuk është një proces evropian. Në Ohër bëhej fjalë për një marrëveshje normalizimi për të krijuar kushte paqësore mes dy fqinjëve armiqësorë sipas rregullave evropiane. Jo vetëm që normalizuan marrëdhëniet e tyre, por u harmonizuan edhe me BE-në. Duhet t’i rikthehemi kësaj. Besoj se kjo marrëveshje krijon kushtet e duhura për thellimin e integrimit evropian. Ndërkohë u zhvilluan një sërë veprimesh destabilizuese. Kjo na shpërqendroi nga prezantimi i asaj marrëveshjeje. Ne duhet t’i kthehemi kësaj, tha i dërguari special i SHBA-së për Ballkanin Perëndimor, Gabriel Escobar, në Dnevnik të HTV.
