Presidenti turk, Recep Tayyip Erdogan zhvilloi sot një bisedë telefonike me presidentin e Shteteve të Bashkuara të Amerikës, Joe Biden.
Ky i fundit dhe homologu turk diskutuan rreth zhvillimeve rajonale, përfshirë sulmin rus ndaj Ukrainës, si dhe marrëdhëniet Turqi-SHBA.
“Ne presim që kërkesa e Turqisë, e cila përfshin blerjen e 40 aeroplanëve të rinj nga SHBA-të dhe modernizimin e F-16-ve ekzistues, të finalizohet sa më shpejt që të jetë e mundur”, tha presidenti Erdogan gjersa i ka kërkuar homologut amerikan t’i heq të gjitha sanksionet kundër Turqisë në fushën e industrisë së mbrojtjes.
Ndërsa, presidenti turk ka deklaruar se Ankaraja po i vazhdon përpjekjet për të arritur një zgjidhje politike midis Rusisë dhe Ukrainës, raporton trt.
Theksojmë se ministrat e Jashtëm të Rusisë dhe Ukrainës, Sergey Lavrov, gjegjësisht Dmytro Kuleba janë takuar sot në Antalia të Turqisë, por që nuk kanë gjetur gjuhë të përbashkët rreth një armëpushimi në Ukrainë.
“Organizimi i këtij takimit është një fitore diplomatike në vetvete”, shtoi udhëheqësi turk.
Ndryshe, Rusia ka vazhduar me bombardime në shtetin ukrainas duke shkaktuar viktima dhe dëme material.
