Enzo Fernandez po konsiderohet si “transferim perfekt” për Real Madridin, ndërsa vazhdojnë zërat që e lidhin mesfushorin me një largim të mundshëm nga Chelsea.
Në një prononcim për “Radio Marca”, analisti Javier Tinto ka shprehur mbështetjen e tij për argjentinasin, duke e cilësuar si opsionin më të përshtatshëm për të plotësuar boshllëkun në repartin e mesfushës te madrilenët.
“Tre lojtarët që mund të zëvendësojnë Kroos janë Zubimendi, Vitinha dhe Enzo. Favoriti nga këta është Enzo, sepse ka atributet perfekte për të luajtur në atë pozicion. Ai do të ishte transferimi perfekt”.
Gjiganti spanjoll Nacho Labarga raportohet se është në kërkim të një organizatori të ri loje, me Fernandez që shihet si një opsion i provuar pas suksesit të tij në Kupën e Botës.
“Real Madridi nuk mund të përballojë më të jetë pa një organizator loje në mesfushë. Enzo është një lojtar i provuar, fitues i Kupës së Botës”.
Megjithatë, çdo marrëveshje mund të jetë e vështirë për shkak të qëndrimit të fortë të Chelseat për çmimin e lojtarit.
“Real Madridi nuk mund ta realizojë transferimin sepse Chelsea nuk do ta shesë për më pak se 150 apo 160 milionë euro”, zbuloi Miguel Serrano.
Pavarësisht këtij pengese financiare, raportimet sugjerojnë se Fernandez është i hapur për këtë lëvizje, me argjentinasin që pëlqen idenë për të jetuar në Madrid.
