Edon Zhegrova, futbollisti kosovar, ka qenë një nga emrat më të përfolur gjatë afatit kalimtar të janarit, shkruan 04 Online.
Pas disa spekulimeve, Napoli ka shfaqur interes për të, me kërkesën e trajnerit Antonio Conte për ta transferuar në janar. Po ashtu, mediat britanike sugjerojnë se Arsenali mund të jetë një destinacion i mundshëm për të, duke pasur parasysh nevojën për përforcime në fazën ofensive.
Zhegrova ka tërhequr gjithashtu vëmendjen e klubeve të tjera, si Milani dhe Roma, dhe ëndrra e tij është një kalim në Spanjë, me Barcelonën si destinacion.
Me kontratë deri në vitin 2026 dhe një vlerë prej 25 milionë euro, Zhegrova ka realizuar 8 gola këtë sezon dhe është në formën më të mirë të karrierës së tij./04 Online
