Një ngjarje e rëndë ka ndodhur në fshatin Reqan të Prizrenit, ku një i mitur është gjetur pa shenja jete nga familjarët, raporton Gazeta Sinjali.
Sipas Policisë së Kosovës, rasti është raportuar rreth orës 20:30, ku viktima është dërguar menjëherë në Spitalin e Prizrenit, ku mjeku kujdestar ka konstatuar vdekjen.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion, në mënyrë që të përcaktohen rrethanat dhe shkaku i vdekjes.
Policia ka nisur hetimet dhe rasti po trajtohet si “vdekje e dyshimtë”.
