Pas më shumë se 100 ditësh dinamike në shtëpinë më të ndjekur në vend, edicioni i katërt i Big Brother VIP Albania përfundoi të shtunën mbrëma me shpalljen e fituesit. Publiku zgjodhi Gjestin si triumfuesin e madh të këtij sezoni.
Rozana Radi, e cila arriti deri në finalen e madhe duke zënë vendin e dytë, u përshëndet me shumë entuziazëm nga të pranishmit në studio.
Në një deklaratë të ndjerë pas finales, ajo shprehu kënaqësinë për rrugëtimin dhe fitoren e Gjestit:
“Ka qenë një natë shumë e bukur. Jam shumë e lumtur që e ka fituar Gjesti këtë rrugëtim. E them pa asnjë rezervë, sepse e kam dashur atë Nubin e vogël, me gjithë ato pislliqet e vogla që bënte.”
Publiku dhe banorët e tjerë reaguan me duartrokitje dhe buzëqeshje, duke dëshmuar një respekt të ndërsjellë dhe lidhje që ka kaluar përtej garës.
Moderatori Ledion Liço, në komentin e tij pas shpalljes së fituesit, theksoi: “Ju të dy keni pasur një marrëdhënie shumë të lezetshme.”
Fitorja e Gjestit erdhi si një përmbyllje e denjë e një udhëtimi të ngarkuar me emocione, të papritura dhe shumë humor.
