Policia ka parandaluar edhe një rast të kontrabandës me mallra në Ranillug.
Në njoftim thuhet se Njësia e TASK FORC-ës -Lindje (Dogana e Kosovës dhe Policia), në zbatim të masave për parandalim dhe luftimin e kontrabandës, pas pranimit të informatave për mallra të kontrabandë, më 18.01.2025 ka kontrolluar një lokal në Ranillug.
“Gjatë kontrollit janë gjetur mallra si: pije alkoolike të ndershme dhe mallra tjera ushqimore, për mallin pronari nuk kishte dokumente mbi prejardhjen. Dyshohet se malli ishte futur kontrabandë përmes rrugëve malore nga Serbia në Republikën e Kosovës”, thuhet mes tjerash në njoftim.
Mallrat janë sekuestruar dhe dërguar në terminalin doganore për procedura të mëtutjeshme.
Rasti është duke u trajtuar nga njësitet e Doganës së Kosovës./Telegrafi/
https://www.facebook.com/plugins/post.php?href=https%3A%2F%2Fwww.facebook.com%2FKosovoPolice%2Fposts%2Fpfbid02JsnpYtAA6n9LqiFGAomqAWBSg8TbLuJKPagVs9CwNXjeSHVLvfGiLmjvz6MSwenxl&show_text=true&width=500
