Pas një performance elektrizuese në festivalin Sunny Hill në Prishtinë javën e kaluar, superylli shqiptar me famë botërore, Dua Lipa, ka ndarë me ndjekësit e saj në Instagram disa imazhe relaksuese nga pushimet në bregdetin e Shqipërisë.
E veshur me një set veror elegant në të bardhë, Dua shkëlqen në natyrë ndërsa shkruan në përshkrim: “Vitamin Sea”, duke lënë të kuptohet se po shijon disa ditë qetësie pas angazhimeve artistike.
Kujtojmë që këngëtarja performoi para mijëra fansave në vendlindjen e saj gjatë edicionit të radhës të festivalit Sunny Hill, ku u prit me entuziazëm dhe emocione të mëdha nga publiku.
Me karrierën e saj që vazhdon të ngjitet drejt majave ndërkombëtare, Dua Lipa nuk harron të mbajë lidhjet e forta me rrënjët e saj shqiptare gjë që e bën edhe më të dashur për fansat në mbarë trojet shqiptare./IndeksOnline/
