Pas performancës së saj spektakolare në natën hapëse të festivalit “Sunny Hill” në Prishtinë, këngëtarja shqiptare me famë botërore, Dua Lipa, ka zgjedhur bregdetin shqiptar për të kaluar disa ditë relaksi.
Në një postim në Instagram, Dua ka ndarë me ndjekësit një pamje mbresëlënëse të rivierës shqiptare, ku shfaqet një perëndim dielli mbi detin Jon. Krahas fotos, ajo ka shkruar:
“Arrita në shtëpi me kohë për këtë perëndim të mrekullueshëm të diellit”, duke treguar edhe një herë lidhjen e saj të fortë emocionale me Shqipërinë.
Këngëtarja që ka pushtuar skenat botërore solli një atmosferë të jashtëzakonshme në “Sunny Hill”, duke bashkuar artistë dhe fansa nga mbarë bota. Me energjinë dhe prezencën e saj unike, ajo u duartrokit nga mijëra të pranishëm.
Pas emocioneve të festivalit, Dua ka gjetur qetësinë në jug të Shqipërisë – një vend që shpesh e ka cilësuar si “shtëpi”, dhe që duket se mbetet burim frymëzimi për të.
