Kandidati i LDK-së për kryetar të Prizrenit, Driton Selmanaj, është takuar me ish-kryetarin e komunës, Eqrem Kryeziun, shkruan 04 Online.
Selmanaj e quajti një emocion të veçantë këtë takim, duke vlerësuar gjurmët që Kryeziu ka lënë në historinë politike dhe institucionale të vendit. Ai theksoi modestinë, qartësinë e mendimit dhe idealizmin që ish-kryetari ruan ende për politikën dhe qeverisjen.
Postimi i plotë i Driton Selmanajt
Gjithmonë një emocion i veçantë me taku dhe me bashkëbisedu me njeriun që ka lënë gjurmë të thella në historinë politike dhe institucionale të vendit tonë.
Kryetari Eqrem Kryeziu, gjatë udhëheqjes së Prizrenit në vitet 2000–2007, jo vetëm që ngriti standarde të larta të mirëqeverisjes, por kulturën politike që na ofroj, mbeti e paarritshme për ata që e udhëhoqën Prizrenin pas tij.
Gjatë bisedës sonë, më bëri përshtypje qartësia e mendimit dhe modestia me të cilën flet për të kaluarën. Është frymëzuese me pa një njeri që, edhe pas kaq vitesh, ruan të njëjtin idealizëm për parimet, integritetin dhe lirinë e mendimit dhe veprimit që duhet ta kemi në politikë!
Faleminderit për gjithçka që na mësove, profesor – Kryetar Eqrem Kryeziu! Vlerësimi për ju është i përhershëm!
