Driton Qeriqi është kandidat për Kuvendin Komunal të Prizrenit nga radhët e Lëvizjes Vetëvendosje, në zgjedhjet e 12 tetorit, shkruan 04 Online.
Ai ka thënë se vendimi për të hyrë për herë të parë në politikë është marrë pas një reflektimi të thellë mbi sfidat dhe nevojat e qytetit, duke theksuar se synon të jetë “zëri i qytetarëve për zhvillim, transparencë dhe përfaqësim të ndershëm”. Qeriqi garon me numrin 40.
Njoftimi i plotë i Driton Qeriqit
Njoftim për zgjedhjet lokale 2025
Të nderuar familjarë, miq, kolegë dhe të gjithë ju bashkëvendas që e doni këtë vend po aq sa unë,
Me përgjegjësi dhe përkushtim të plotë, kam vendosur që në zgjedhjet e 12 tetorit 2025 t’i hy garës për Asamblenë Komunale në radhët e Lëvizjjes Vetvendosje, duke kandiduar për herë të parë në jetën time politike.
Ky vendim nuk ka ardhur lehtë, por si rezultat i një reflektimi të thellë mbi nevojat, sfidat dhe mundësitë e komunitetit tonë. Jam i bindur se koha për ndryshim dhe përfaqësim të ndershëm ka ardhur, dhe për këtë arsye dua të jem zëri juaj – zëri i qytetarëve që duan zhvillim, transparencë dhe përfshirje të vërtetë në vendimmarrje.
Ajo që më motivoi më së shumti t’i hy garës është dashuria për vendin ku kam lindur e jam rritur dhe dëshira për t’ju shërbyer me ndershmëri.
Ajo çfarë përfaqësoj un është politika me fytyrë njerëzore, përfaqësim të barabartë e pa dallime dhe zhvillim të qëndrueshëm e bashkëpunim të hapur me qytetarët.
Të gjithë ju që më njihni, e dini se nuk premtoj më shumë se sa mund të mbaj. E di që nuk ka rrugë të lehtë, por me ndihmën tuaj, besimin tuaj dhe bashkëpunimin e ndërsjellë, mund të bëjmë dallimin që e meritojmë.
Më 12 tetor 2025, ju ftoj ta ndani me mua këtë rrugëtim – për të qenë përfaqësuesi juaj në Asamblenë Komunale.
Së bashku për një komunë më të drejtë, më të zhvilluar dhe më afër qytetarit!
Me respekt,
Driton Qeriqi
Kandidat për Asamblenë Komunale nga Lëvizja Vetëvendosje – Prizren me nr.40.
