Një vakt i nivelit Michelin në “skajet e hapësirës” do të mund të shijohet nga të interesuarit vitin e ardhshëm, nëse kompania franceze Zephalto, e cila “skicoi” këtë ide, arrin në realizimin e saj.
Kompania e shërbimeve të turizmit hapësinor, e cila u themelua nga një ish-kontrollues i trafikut ajror i quajtur Vincent Farret d’Astiès, aktualisht është duke studiuar përpara udhëtimeve të planifikuara hapësinore, të cilat, sipas planit, do të zhvillohen në një vend të projektuar posaçërisht, një kapsulë me emrin ‘Celeste’, e cila do të ngjitet në një tullumbace.
Kapsula do të ngrihet në një lartësi prej 25 kilometrash nga sipërfaqja e Tokës, duke i lejuar vizitorët të admirojnë lakimin e planetit, ndërsa përveç pamjes unike, do të mund të shijojnë edhe një vakt të veçantë.
10.000 € prenotim, 120.000 € udhëtimi i plotë
Prenotimi kushton 10.000 euro për person, ndërsa kostoja totale për një udhëtim me “Celeste” shkon në 120.000 euro.
Sipas asaj që një përfaqësues i Zephalto i tha CNN Travel, vendet për fluturimet nga fundi i vitit 2024 deri në mesin e vitit 2025 tashmë janë shitur dhe rezervimet tani po bëhen për mesin e 2025 dhe më tej.
Sipas specifikimeve, Celeste do të jetë në gjendje të mbajë gjashtë pasagjerë dhe dy pilotë, të arrijë lartësinë maksimale brenda 90 minutave dhe më pas të rri pezull mbi Tokë për tre orë.
Farret d’Astiès i tha CNN Travel se ndërsa opsionet e ushqimit dhe pijeve të Celeste do të jenë luksoze, duke deklaruar se “pamja dhe udhëtimi i përgjithshëm mbeten fokusi qendror i ofertës, duke i lejuar mysafirët të vlerësojnë dhe shijojnë bukurinë e mjedisit ku do të jenë”.
Në të njëjtën kohë, ai e krahason atmosferën brenda kapsulës me atë që mbizotëron kur dikush udhëton me aeroplan. “Dallimi qëndron në pamjen më të pabesueshme dhe atmosferën luksoze”, shtoi ai. Brendësia e kapsulës aktualisht është duke u dizajnuar nga stilisti francez Joseph Dirand. Modelet ende nuk janë shpallur, por Zephalto premton se ato do të jenë të stilit francez.
Specifikimet për shefat e kuzhinës – Janë bërë tre fluturime testuese
Ndërsa kuzhinierët e ardhshëm të Celeste nuk janë shpallur ende, ideja është që do të ketë një rotacion të mjeshtrave të kuzhinës, të cilët do të kenë lirinë për të zgjedhur atë që do të jetë në menu. Zephalto dëshiron që “kuzhinierët të jenë në gjendje të realizojnë idetë e tyre krijuese për të ofruar diçka të sofistikuar dhe të ngritur”.
Kompania tha gjithashtu se po punon ngushtë me agjencinë franceze të hapësirës CNES për projektin. Ai gjithashtu thekson se balona, e cila do të fuqizohet nga helium, duhet të ketë të njëjtat çertifikata të Agjencisë Evropiane të Sigurisë së Aviacionit (EASA) si një avion komercial.
Zephalto shtoi se tashmë ka përfunduar tre fluturime testuese pilot, me një tjetër të planifikuar për më vonë këtë vit. Fluturimet do të jenë të hapura për njerëz të të gjitha moshave dhe nuk kërkohet trajnim paraprak përkatës.
Tani për tani, Celeste është planifikuar të niset nga Franca, por Zephalto shpreson t’i japë asaj një prani ndërkombëtare në vitet e ardhshme.
