Një grup të rinjsh ka organizuar një protestë paqësore para selisë së EULEX-it në Fushë Kosovë, ku po qëndron ish-presidenti Hashim Thaçi.
Protestuesit mbajnë pankarta me mesazhe si “Liri për çlirimtarët” dhe “Drejtësi, jo politikë”.
Ndërkohë, tek selia e EULEX-it në Fushë Kosovë, Thaçi ka pritur vizita nga vëllezërit e tij, ndërsa aktualisht bashkëshortja e tij, Lumnie Thaçi, është brenda për të qëndruar me të.
Ndërsa, Gjykata Speciale i dha dje leje ish-presidentit Hashim Thaçi të vizitojë varrin e babait të tij, i cili ndërroi jetë të dielën.
Kjo vizitë e Thaçit vjen pasi atij njëherë nuk iu lejua të merrte pjesë në varrimin e babait të tij, që u varros të martën.
