Portieri i Paris Saint-Germain, Gianluigi Donnarumma, ka shprehur dëshirën për t’u transferuar te Manchester United gjatë këtij afati kalimtar veror, shkruan 04 Online.
I njohur për paraqitjet mbresëlënëse me klubin dhe kombëtaren italiane, si dhe fitues i Ligës së Kampionëve me PSG-në, Donnarumma duket i vendosur për një sfidë të re në Premier League.
Sipas raportimeve, PSG kërkon rreth 34.9 milionë dollarë për të liruar gardianin italian, ndërsa “Djajtë e Kuq” po e shqyrtojnë me seriozitet këtë mundësi. Negociatat pritet të intensifikohen në ditët e ardhshme.
Një transferim i mundshëm i Donnarummas në “Old Trafford” do të sillte konkurrencë të fortë në portën e Manchester United, ku aktualisht zgjedhja e parë mbetet André Onana./04 Online
