Ambasadori Astrit Zemaj, Përfaqësues i Republikës se Kosovës për marrëdhëniet me NATO-n sot në orët e hershme të mëngjesit ka publikuar fotografi nga nisja e shefit të NATO-s, Mark Rutte në Kosovë.
Ai vizitën e Rutte në Prishtinë e ka quajtur ditë historike.
“Ditë historike KOSOVË – NATO
Drejt Kosovës nën përkujdesjen e forcave ajrore të Italisë, Këshilli i Atlantikut të Veriut të NATO-s (NAC 32 Aleatët) dhe Partnerët, së bashku me strukturat më të larta drejtuese civile dhe ushtarake.
Vizita më e madhe dhe më e rëndësishme e NATO-s në vendin tonë në vitet e fundit”, shkruan Zemaj.
Ai tutje thekson se Republika e Kosovës të gjithë aleatëve dhe partnerëve u është mirënjohëse për mbështetjen dhe kontributin e vazhdueshëm për vendin tonë dhe forcimin e subjektivitetit ndërkombëtar, si dhe për paqen, sigurinë dhe stabilitetin në rajon. /Telegrafi/
