Distria Krasniqi është kualifikuar në gjysmëfinale të Mastersit të xhudos që po mbahet në Izrael.
Distria po garon në kategorinë deri 52 kilogramë, ndërsa në gjysmëfinale ka arritur me dy fitore.
Fillimisht në raundin e dytë e mposhti amerikanen Angelica Delgado. Ndërsa në çerekfinale ishte bindëse ndaj spanjolles, Ana Perez Box.
Ndaj saj realizoi dy uazari për fitore me Ippon. Në gjysmëfinale, Distria takohet me hungarezen Reka Pupp. Mastersi është gara e dytë më e madhe e xhudos këtë vit, pas Botërorit./Koha
