Gazeta prestigjioze gjermane, “Die Welt”, shkruan se Serbia po llogarit në Rusinë në kërcënimin që po i bën Kosovës.
Më tej, në këtë artikull shkruan se ky përshkallëzim i konfliktit mes dy vendeve hap opsione të reja strategjike për Kremlinin
“Ballkani Perëndimor është i rrethuar nga shtete të BE-së që varen nga stabiliteti. Por në mes të luftës në Ukrainë, Serbia po kërcënon Kosovën dhe po llogarit në mbështetjen e Moskës në përshkallëzimin e konfliktit. Për Kremlinin, kjo hap opsione të reja strategjike”.
Madje, mediumi gjerman shkruan se krejt kjo paqëndrueshmëri konfliktuoze mes Kosovës dhe Serbisë i shkon për shtati më së shumti presidentit rus, Vladimir Putin.
“Konflikti mes Serbisë dhe Kosovës rrezikon të përshkallëzohet sërish. Një person në veçanti përfiton nga paqëndrueshmëria: Presidenti rus Vladimir Putin. Ai është aleati më i rëndësishëm i presidentit serb Aleksandar Vuçiq për Kosovën. Putini dëshiron të destabilizojë Evropën nga brenda”.
“Die Welt” konstaton po ashtu se BP-ja i ofron Putinit mundësinë për ta destabilizuar Evropën nga brenda sa herë të dojë.
“Ballkani Perëndimor i ofron atij mundësinë për ta bërë këtë sa herë të dojë. Kjo mund të jetë gjithashtu e rrezikshme për BE-në, e cila rrethon rajonin”, thekson gazeta gjermane.
Kujtojmë se për ndikimin dhe përfshirjen ruse në konfliktin që po zien mes Kosovës dhe Serbisë kanë folur edhe krerët institucionalë të Kosovës. /Klankosova
