Një sondazh i fundit ka zbuluar një tendencë të re në zakonet e higjienës personale të të rinjve, shkruan 04 Online.
Afërsisht 40% e të rinjve të moshës 18-24 vjeç kanë pranuar se nuk kanë përdorur deodorant ose antiperspirant gjatë 30 ditëve të fundit. Po ashtu, rreth një e treta (31%) e të rinjve 25-34 vjeç ndajnë të njëjtën mendim, si dhe 22% e personave të moshës 35-44 vjeç. Kjo përbën një ndryshim të dukshëm krahasuar me të kaluarën, kur përdorimi i deodorantëve ishte shumë më i zakonshëm.
Ky trend i shmangies së deodorantëve tradicionale është në përputhje me rritjen e interesit për produktet natyrale dhe organike. Deodorantët natyralë, të cilët nuk përmbajnë kimikate të dëmshme, janë bërë gjithnjë e më të kërkuar nga të rinjtë që janë të vetëdijshëm për impaktin e mundshëm të substancave kimike në shëndetin dhe mjedisin e tyre.
Ky ndryshim mund të lidhet me një shqetësim në rritje për përdorimin e produkteve të pastërta dhe natyrale, si dhe me një ndikim të përgjithshëm të trendeve që promovojnë jetesën e shëndetshme dhe autentike./04 Online
