Granit Xhaka ka nisur një faqe të re në karrierën e tij futbollistike, duke debutuar me fanellën e Sunderlandit në një miqësore ndaj skuadrës spanjolle Real Betis. Edhe pse ishte ndeshja e tij e parë me “Black Cats”, mesfushori shqiptar mori menjëherë shiritin e kapitenit, një sinjal i qartë i besimit që klubi anglez ka ndaj tij, shkruan 04 Online.
Takimi përfundoi me humbjen minimale 0:1 për Sunderlandin, por vëmendja ishte kryesisht te Xhaka, i cili me prezencën dhe komunikimin në fushë tregoi pse është konsideruar një lider natyral në çdo skuadër që ka luajtur.
Pas ndeshjes, Xhaka u shpreh i motivuar dhe i vendosur për rrugëtimin që e pret:
“Jam shumë mirënjohës për këtë fillim. Ky është vetëm hapi i parë. Do të punojmë shumë, do të qëndrojmë të fokusuar dhe do ta ndjekim çdo objektiv si skuadër. Ky është momenti ynë për ta nisur fuqishëm,” shkroi ai në rrjete sociale.
Burime të brendshme të klubit raportojnë se trajneri është impresionuar me ndikimin e menjëhershëm të Xhakës në dhomat e zhveshjes, ku ai tashmë shihet si figura që mund ta udhëheqë skuadrën drejt rikthimit në elitën e futbollit anglez, Premier League.
Pavarësisht humbjes në miqësore, prurja e Xhakës duket se ka sjellë një frymë të re tek Sunderland, dhe pritjet për sezonin e ri janë dukshëm më të larta./04 Online
