Kombëtarja e Kosovës do të luajë të martën tjetër në stadiumin “Fadil Vokrri” në Prishtinë pa marrë parasysh se si përfundon ndeshja e saj të enjten ndaj Sllovakisë, e vlefshme për gjysmëfinalen e “play-off”-it të Botërorit 2026, shkruan “Gazeta Express”.
Në rast të fitores ndaj Sllovakisë, Dardanët do të luajnë në finale me fituesin e përballjes Turqi – Rumani në kërkim të kualifikimit historik.
E në rast të humbjes në Bratisllavë, ekipi i Franco Fodës do ta zhvillojë një ndeshje miqësore me humbësin e duelit Turqi – Rumani, po ashtu në “Fadil Vokrri”.
Federata e Futbollit të Kosovës i ka nxjerrë në shitje sot biletat për sfidën e së martës tjetër.
