Cristiano Ronaldo i pandalshëm – arrin kuotën e 931 golave, afron rekordin magjik prej 1000 finalizimesh

0
52

Cristiano Ronaldo vazhdon të shkruajë historinë në futbollin botëror. Superylli portugez shtoi edhe dy gola të tjerë në koleksionin e tij të jashtëzakonshëm, duke e çuar në 931 numrin total të golave në karrierë – vetëm 69 larg objektivit madhështor prej 1000 golash, shkruan 04 Online.

Ronaldo shkëlqeu në mbrëmjen e së premtes në triumfin 3:1 të Al Nassr ndaj rivalit Al Hilal, në xhiron e 26-të të kampionatit të Arabisë Saudite. Kapiteni i Al Nassr-it u tregua vendimtar me dy gola të shënuar në pjesën e dytë: fillimisht në minutën e 47-të pas një asistimi të bukur nga Sadio Mane, ndërsa më pas vulosi fitoren me një penallti të saktë në minutën e 88-të.

Me këto dy finalizime, 40-vjeçari shënon golat e tij të 20-të dhe të 21-të në kampionat për këtë sezon, në gjithsej 25 paraqitje, duke dëshmuar se edhe në këtë moshë mbetet një makinë golash dhe një lider i padiskutueshëm në fushë.

Synimi për 1000 gola nuk është më një ëndërr larg – për Ronaldon, është një mision që dita-ditës po afrohet gjithnjë e më shumë./04 Online

LEAVE A REPLY

Please enter your comment!
Please enter your name here