Kur është fjala për të qenë i vërtetë dhe i besueshëm, askush nuk mund të përputhet me aftësinë e adoleshentëve në aspektin e shpeshtësisë me të cilën ata tregojnë gënjeshtra dhe bëjnë lojëra.
Kjo nuk është një gjë e çuditshme për ata prindër që kanë dëgjuar shprehjet tradicionale të adoleshentëve të tilla si, “të gjithë të tjerët e bëjnë atë”; “Nuk kam detyra shtëpie”; ose “Jam duke kaluar natën me një shoqe”, raporton “The Independent”.
Studimi, i kryer nga hulumtues në universitetin e Ghentit, Vanderbiltit, Amsterdamit dhe të Maastrichtit, provoi që në 1005 njerëz të moshës nga gjashtë deri në 77-vjeçare, adoleshentët janë më të papërgjegjshmit dhe më gënjeshtarët.
Por gjithashtu nga ky studim rezultoi se fëmijët e vegjël dhe pensionistët janë njerëzit më të ndershëm në shoqëri.
Kjo për shkak se frekuenca me të cilën ne gënjejmë dhe aftësia jonë për t’u marrë me të, bie me moshën, ndoshta për shkak të ndryshimeve që ndodhin në tru.
“Hulumtimi ynë tregon se adoleshentët janë në përgjithësi, gënjeshtarët më të mirë”, thonë studiuesit, studimi i të cilëve është publikuar në revistën “Acta Psychologica”.
Shpeshtësia e gënjeshtrës rritet gjatë fëmijërisë, arrin pikun në adoleshencë, dhe më pas nis të bie në moshën e pleqërisë deri në atë pikë sa të moshuarit gënjejnë baras me fëmijët. Perfeksionimi i gënjeshtrës ndodh gjatë fëmijërisë, përvetësohet në adoleshencën e hershme dhe përkeqësohet përgjatë adoleshencës.
