Një çift i moshuar në Prizren dje janë vënë në kërkim nga Policia e Kosovës për veprën penale “Shpërdorim i Pasurisë së Huaj”.
Ata dyshoheshin se në “Elkos” në Prizren, kishin gjetur 1 mijë e 50 euro që i kishin rënë në tokë një personi.
E të njëjtit, pas publikimit të fotografive nga ana e policisë dhe mediave, janë lajmëruar në stacion policor.
Ata kanë premtuar se paratë do t’i kthejnë.
Komunikata e plotë e Policisë:
Me datë 27 Tetor 2022 kemi publikuar për media fotografin e një çifti, për të cilin dyshohej se kanë kryer veprën penale “Shpërdorim të pasurisë së huaj” , konkretisht dyshohej se një grua i ka marrë 1050 euro të cilat i kanë rënë në tokë një viktime, dhe pastaj çifti është larguar nga vendi , vepra ka ndodhur në qendrën tregtare “Elkos“ në Prizren me datë 19/04.2022.
Menjëherë pas publikimit në media vetë e dyshuar është lajmëruar në Stacionin Policor Prizren dhe është intervistuar lidhur me rastin, ajo e ka pranuar se i ka marrë parat dhe se ka thënë të njëjtat do ti kthen.
Falënderojmë të gjitha mediat që e kanë publikuar kërkesën e policisë e cila ka rezultuar me sukses.
