Mbrëmja e sotme sjell emocionet e fundit të ndeshjeve të para në fazën 1/16 të finales së UEFA Champions League, ku në program janë katër takime mjaft interesante.
Ndeshja e parë nis nga ora 18:45, ku Qarabağ FK do të jetë nikoqire e skuadrës angleze Newcastle United, në një duel që pritet të jetë shumë i luftuar.
Nga ora 21:00 zhvillohen edhe tri sfidat e tjera:
Inter Milan udhëton në Norvegji për t’u përballur me FK Bodø/Glimt, një kundërshtar që ka surprizuar këtë edicion.
Club Brugge luan në shtëpi ndaj gjigantëve spanjollë të Atlético Madrid.
Në Greqi, Olympiacos F.C. pret kampionët gjermanë të Bayer 04 Leverkusen.
Këto ndeshje janë vetëm akti i parë i duelit, ndërsa gjithçka mbetet e hapur për ndeshjet e kthimit që do të vendosin ekipet që kalojnë në fazën tjetër të garës.
Pritet një mbrëmje spektakolare futbolli, me duele të forta dhe shumë rivalitet në garën më prestigjioze për klube në Evropë./04 Online
