Me rritjen e temperaturave dhe afrimin e pushimeve verore, mjekët dhe dermatologët po bëjnë thirrje për kujdes të shtuar ndaj ekspozimit në diell. Rrezet ultravjollcë (UV) mund të dëmtojnë lëkurën, duke shkaktuar djegie, plakje të parakohshme dhe, në raste më serioze, rrezik për kancer të lëkurës. Kremrat kundër diellit mbeten një nga mbrojtësit më të rëndësishëm gjatë stinës së verës.
Çfarë duhet të dini para se të zgjidhni një krem dielli?
Ekspertët rekomandojnë që kremi të ketë SPF (Sun Protection Factor) të paktën 30, dhe të ofrojë mbrojtje të gjerë (UVA + UVB). SPF 30 bllokon rreth 97% të rrezeve UVB, ndërsa SPF 50 rreth 98%. Ndryshimi është minimal, por te personat me lëkurë shumë të ndjeshme, edhe një përqindje më shumë ka rëndësi.
Kur dhe si ta përdorni?
Aplikoni kremin 30 minuta para ekspozimit në diell
Riaplikojeni çdo 2 orë, veçanërisht pas notit ose djersitjes
Mos harroni zonat si veshët, qafën, shputat dhe pjesën e pasme të duarve
Për kë është i rëndësishëm kremi diellit?
Për të gjithë jo vetëm për fëmijët apo për ata me lëkurë të ndjeshme. Edhe në ditë me re, deri në 80% e rrezeve UV mund të depërtojnë në lëkurë.
A janë të gjitha kremrat të njëjtë?
Jo. Ekzistojnë:
Kremra kimikë, që përthithin rrezet UV
Kremra mineralë, që i reflektojnë ato (me bazë zink ose titanium)
Kremrat mineralë rekomandohen më shumë për foshnjat, fëmijët dhe personat me lëkurë të ndjeshme.
Kujdesi për lëkurën është kujdes për shëndetin
Nëse do të kaloni më shumë kohë në plazh, në mal, apo thjesht në rrugë gjatë ditës, mos harroni të mbroni lëkurën me krem dielli. Është një hap i vogël që bën një ndryshim të madh për shëndetin tuaj në afatgjatë.
