Një burrë që sapo kishte marrë pjesë në varrimin e vëllait të tij, i cili u vra nga një kafshim gjarpri, ka vdekur gjithashtu pasi edhe ai iu kafshua nga një gjarpër.
Govind Mishara, 22 vjeç, shkoi në funeralin e vëllait të tij, Arvind Mishara, 38 vjeç, të mërkurën në fshatin Bhawanipur, Indi. Arvind vdiq nga një pickim gjarpri të martën, raporton The Indian Express.
“Govind Mishara u vra pasi u kafshua nga një gjarpër në gjumë,” tha Singh. Një nga të afërmit e familjes, Chandrashekar Pandey, i cili ishte në të njëjtën shtëpi, gjithashtu u kafshua nga gjarpri.
Sipas Organizatës Botërore të Shëndetësisë (OBSH), kafshimi i gjarprit është një çështje e shëndetit publik e lënë pas dore në shumë vende tropikale dhe subtropikale.
“Rreth 5,4 milionë kafshime gjarpërinjsh ndodhin çdo vit, duke rezultuar në 1,8 deri në 2,7 milionë raste helmimesh (helmime nga kafshimet e gjarpërinjve)”, thuhet në një raport nga maji 2021.
Raporti shtoi se në Azi deri në 2 milionë njerëz helmohen nga kafshimi i gjarpërinjve çdo vit.
