Një burrë nga Gana ka prerë organin gjenital teksa ëndërronte se po copëtonte mish për familjen e tij.
Kofi Atta, një fermer nga Gana jugore, tha se ai pësoi lëndim të tmerrshëm të vetëshkaktuar më 12 gusht pasi e kishte zënë gjumi në një karrige dhe ishte duke ëndërruar se po përgatiste ushqim.
Atta, 47 vjeç, pretendon se nuk e ka idenë se si përfundoi duke shtrënguar thikën në gjumë dhe i tha BBC News Pidgin se u zgjua me dhimbje dhe e gjeti veten ulur në një pellg gjaku, transmeton Klankosova.tv.
“Nuk e mbaj mend sesi e kam kapur thikën, madje ende jam i hutuar”, tha ai.
Pasi kuptoi pasojat e veprimit të tij të tmerrshëm, Atta filloi të bërtiste për ndihmë dhe dy fqinjë i erdhën në ndihmë.
Fermeri u dërgua në spitalin në Kumasi në gjendje kritike, por iu nënshtrua trajtimit dhe u stabilizua.
Duke folur më 16 gusht, katër ditë pas aksidentit, Atta u tha gazetarëve se i ishin dhënë lëngje dhe injeksione të ndryshme, por mjekët thonë se ai do të ketë nevojë për operacion pasi i kishte prerë plotësisht organet gjenitale.
Fermeri tha se ai nuk ishte në gjendje të paguante për trajtimin dhe nuk dihet nëse spitali ishte i gatshëm të kryente një operacion.
