Benfica është duke punuar intensivisht për të rikthyer João Félix në “Estádio da Luz”, me bisedimet që tashmë kanë nisur mes klubit dhe agjentit të tij, Jorge Mendes.
Transferimi i sulmuesit portugez varet nga kushtet që do të vendosë Chelsea, ku Félix aktualisht është pjesë e skuadrës, por largimi i tij nga “Blutë” tashmë duket i sigurt.
Burime pranë lojtarit konfirmojnë se Félix është shumë i motivuar për t’u kthyer te Benfica, klubi ku u formua si lojtar dhe nga ku shpërtheu në skenën ndërkombëtare.
Negociatat pritet të përshpejtohen gjatë ditëve në vijim, ndërsa të gjitha palët janë optimiste për një marrëveshje.
Nëse gjithçka shkon sipas planit, rikthimi i Félix do të ishte një nga transferimet më të bujshme të verës për klubin nga Lisbona, i cili synon të forcojë skuadrën për sezonin e ri.
