Në La Liga “gjallë” është edhe Barcelona.
Atëherë kur kishin nevojë më së shumti, katalunasit e lansuan përsëri kandidaturën për titull të kampionit.
Ata e mposhtën Sevillën me rezultat 4:1 mbrëmë, duke iu afruar kreut të tabelës, respektivisht Real Madridit, në vetëm dy pikë, ndërsa pozitës së dytë, ekipit tjetër madrilen Atletico, iu afruan në një pikë, shkruan “Gazeta Express”.
Skuadra e Hansi Flick ndërkohë përfitoi nga gabimet e “Los Blancos”, të cilët humbën nga Espanyoli 0:1 dhe më pas barazuan në derbin madrilen pikërisht kundër Atleticos Madridit të Diego Simeones.
Sonte do të mbyllet xhiroja e 23-të me ndeshjen mes Mallorcës së Vedat Muriqit dhe Osasunës.
Sulmuesi kosovar do ta kërkojë zhbllokimin pasi po e kalon një periudhë të vështirë në këtë edicion.
