Talenti i ri i klubit të pingpongut “Liria”, Atlid Hajdari, ka zënë vendin e tretë në turneun ndërkombëtar “Herceg Novi Open 2025” në kategorinë U11, shkruan 04 Online.
Turneu i mbajtur në Mal të Zi ka mbledhur lojtarë të rinj nga rajoni, ku Atlidi u dallua me paraqitje të forta dhe lojë të vendosur.
Ky rezultat e konfirmon Hajdarin si një nga shpresat më premtuese të pingpongut kosovar.
“𝐀𝐭𝐥𝐢𝐝 𝐇𝐚𝐣𝐝𝐚𝐫𝐢 zë vendin e tretë në turneun “Herceg Novi Open 2025” në kategorinë U11!
Atlid Hajdari, talenti i ri i klubit të pingpongut Liria, arriti një sukses të shkëlqyer në turneun ndërkombëtar “Herceg Novi Open 2025”, duke zënë vendin e tretë në kategorinë U11. Turneu u mbajt në Herceg Novi, Mali i Zi, dhe mblodhi së bashku lojtarë të rinj premtues nga Kroacia, Kosova, Mali zi, Serbia dhe vende të tjera të rajonit.
Atlid tregoi një formë të shkëlqyer gjatë gjithë turneut, duke kaluar disa përballje të forta me kundërshtarë të nivelit të lartë. Me teknikën dhe vendosmërinë e tij, ai përfaqësoi denjësisht klubin dhe tregoi potencialin për të qenë një nga emrat premtues të së ardhmes në pingpongun shqiptar.
Klubi i pingpongut Liria shpreh krenarinë për këtë arritje dhe i uron Atlidit suksese të mëtejshme në rrugën e tij sportive!”, thuhet në njoftimin e klubit./04 Online
