Kristjan Asllani u është përgjigjur kritikëve në mënyrën më të mirë të mundshme.
Yll i Kombëtares shqiptare nuk po kalonte momente aq të mira me Interin, por që riktheu gjithçka në të mirë të tij në fundjavën që shkoi.
Në fakt, mesfushori kreativ shkëlqeu në fitoren e “Nerazzurri” në fitoren 3:1 ndaj Empolit, shkruan “Gazeta Express”.
E kjo bëri që ai të përfshihet në formacionin e javës nga faqja e specializuar për statistika “Sofascore” për javën e 21-të në Serie A.
22 vjeçari u vlerësua me notën 8.3 dhe tash e tutje synon të bëhet protagonist i kampionëve të Italisë.
Trajneri Simone Inzaghi e ka besimin e plotë në përfaqësuesin shqiptar, të cilit ia jep rastin kohë pas kohe, por që e konsideron atë si një lojtar të rëndësishëm për ekipin Zikaltër.
